,,ტბა ოკეანეზე’’

სორვაგვასტნის ტბა ანუ როგორც ადრე უწოდებდნენ ლეიტისვატნი არის ფარერის კუნძულების უდიდესი ტბა. იგი მდებარეობს ვოარის კუნძულის სამხრეთ ნაწილში და გადაჭიმულია ჩრდილოეთიდან სამხრეთისკენ 6 კილომეტრზე, მაქსიმალური სიგანე 800 მეტრი, ტბის სიღრმე 59 მეტრი. ტბის ფართობია 3,56 კვადრატული კილომეტრი.

 

ტბიდან წყალი ციცაბო კლდეების გასწვრივ ოკეანეში ჩაედინება და ჰქმნის 32 მეტრიან ბესდეალაფოსურის ჩანჩქერს, რომლის დანახვა ხმელეთიდან ძნელია, რადგან ის სანაპიროს ციცაბო კლდეებში იმალება.

 

სორვაგვასტნის ტბა ოკეანესთან ძალიან ახლოს მდებარეობს, მისი ზედაპირი ზღვის დონიდან დაახლოებით 40 მეტრზეა. ტბა ორი მხრიდან გარშემორტყმულია მაღალი კლდეებით რომლებიც გარკვეული ადგილიდან ქმნიან ოპტიკურ ილუზიას და ტბის ზედაპირის დონე ბევრად უფრო მაღალი ჩანს ვიდრე ოკეანის დონე. სწორედ აქედან გაჩნდა მოგზაურთა შორის ტბის არაოფიციალური სახელწოდება ,,ტბა ოკეანეზე’’.

 

1.https://www.youtube.com/watch?v=5Dpqqf8rgBM

2.https://www.google.com/maps/@62.0213432,-7.2212925,3a,90y,38.36h,62.16t/data=!3m8!1e1!3m6!1sAF1QipP5KVwK5Nx7Wsl8D3B_AfWH7ZYHMlxijOIWIJ54!2e10!3e11!6shttps:%2F%2Flh5.googleusercontent.com%2Fp%2FAF1QipP5KVwK5Nx7Wsl8D3B_AfWH7ZYHMlxijOIWIJ54%3Dw203-h100-k-no-pi-0-ya22.099382-ro-0-fo100!7i8192!8i4096?entry=ttu

 

,,სიკვდილის წრეები“

ნამიბიის უდაბნოში მდებარეობს უნიკალური ბუნების ფენომენი, ათასობით

წრიული ფორმის უნაყოფო მიწის ნაკვეთები. მათ  ,,სიკვდილის წრეებს’’ ეძახიან. მართლაც, ამ წრეების შიგნით არავითარი სიცოცხლის ნიშნები არ შეიმჩნევა.

 

,,სიკვდილის წრეები’’ დიამეტრში 2-დან 15 მეტრამდე აღწევენ. ისინი წარმოიშობა უდაბნო ნამიბიის ბალახეულ საფარში  და გადაჭიმულია ჩრდილოეთიდან სამხრეთისაკენ რამდენიმე ასეულ კილომეტრზე. წრეების შესწავლა დაიწყეს 1971 წლიდან მაგრამ დღემდე გაუგებარია მათი წარმოშობის მიზეზები.

 

ადგილობრივი მოსახლეობის - ჰიმბას ტომის აზრით, წრეები დედამიწის ქერქის ქვეშ მცხოვრები ურჩხულების ბრალია, მათი ცეცხლოვანი სუნთქვა ამოდის მიწის ზედაპირზე და წვავს მცენარეულ საფარს წრის შიგნით.

 

ზოგიერთი მეცნიერი ფიქრობს, რომ ამ ფენომენის გამომწვევია ჭიანჭველები და ტერმიტები. სხვების აზრით ეს გამოწვეულია რადიოაქტიური ნიადაგებით ან ტოქსინებით, რომლებსაც გამოიყოფს ზოგიერთი ადგილობრივი მცენარე. მაგრამ არცერთმა კვლევამ არ დაადასტურა ზემოთ მოყვანილი ვერსიები.

 

მეცნიერებმა წრის შიგნით არაერთხელ დაამატეს ბიოლოგიური ნივთიერებები, რომ გაზრდილიყო მცენარეები მაგრამ ყველა მცდელობა მარცხით დასრულდა.

 

სატელიტური სურათების შესწავლისას აღმოჩნდა რომ, წრეებს აქვთ განვითარების საკუთარი ციკლი დაბადებიდან სიკვდილამდე. თავდაპირველად წრეს ტოვებენ მწერები, შემდეგ ცხოველები უვლიან გვერდს ამ ადგილებს და ბოლოს ხმება და ისპობა მცენარეულობა.

 

გარკვეული დროის შემდეგ, წრეში კვლავ იწყებს ზრდას ბალახი, შემდეგ ბრუნდებიან მწერები და საბოლოოდ ცხოველები მშვიდად იწყებენ ბალახის ძოვას. პატარა ზომის წრეები ჩნდებიან და ქრებიან 24 წლის განმავლობაში, ხოლო დიდი წრეები ასაკი 75 წლამდეა.

 

ალბათ, მომავალში მეცნიერებს შეეძლებათ პასუხი გასცენ შეკითხვას - რა არის ,,სიკვდილის წრეების’’ წარმოშობის მიზეზი და პლანეტა დედამიწაზე ერთი საიდუმლოებით ნაკლები იქნება.

 

https://1tv.ge/…/namibis-udabnos-jadosnuri-wreebis…/